«Қайрат» Чемпиондар лигасында кіммен кездесуі мүмкін?

УЕФА Чемпиондар лигасының келер маусымында ел намысын қорғайтын «Қайрат» футбол клубының бірінші іріктеу кезеңінде ойнауы мүмкін қарсыластары белгілі болды, деп хабарлайды Sport12.kz.

УЕФА регламентіне сәйкес, «Қайрат» еленген клубтардың қатарына енді. Нәтижесінде, алматылық ұжым «Людогорец» (Болгария), «ФКСБ» (Румыния), «Любляна» (Словения), «Мальмё» (Швеция), «Жалгирис» (Литва), «РФС» (Латвия), «КуПС» (Финляндия), «Линкольн Импс» (Гибралтар), «Нью-Сейнтс» (Уэльс), «Дрита» (Косово), «Брейдаблик» (Исландия), «Линфилд» (Солтүстік Ирландия), «Будучност Подгорица» (Черногория) сынды командалармен қарсылас атануы мүмкін.

Еске салсақ, «сары-қаралар» Қазақстан Премьер-лигасының өткен маусымында 24 ойында 47 ұпай жинап, чемпион атанған болатын. Осылайша елдің үздік клубы ретінде Чемпиондар лигасында бақ сынау мүмкіндігін иеленді.