Қазақстан құрамасының бұрынғы ойыншысы жаңа қызметке келді

Қазақстан құрамасының бұрынғы ойыншысы Сабырхан Ибраев Footlab Almaty спорт директоры болып тағайындалды, деп хабарлайды Sport12.kz.

Сабырхан Ибраев футбол мансабын Алматының ЦСКА командасында бастады. Ол еліміздің жастар құрамаларында (U-17, U-19, U-21), сондай-ақ еліміздің ұлттық құрамасында ойын көрсетті. Оның ұлттық құрама сапындағы алғашқы ойыны Ресей құрамасына қарсы өтті. Содан кейін ол 2010 жылғы әлем чемпионатына іріктеу турнирі аясында Англияға қарсы екі матч өткізді.

Клуб деңгейінде С. Ибраев «Ертіс», «Тобыл», «Қайрат», «Қайсар», «Қызылжар», «Восток» және «Жетісу» сияқты танымал қазақстандық командалардың сапында ойын көрсетті.