Кака: Қазақстан футзалы буын алмасу кезеңін бастан өткеріп жатыр

Футзалдан Қазақстан ұлттық құрамасының бас бапкері Кака Қазақстан футзал қауымдастығының президенті Нұрсұлтан Құрманмен кездесті. Басқосуда қыркүйекте Италияға қарсы өтетін екі маңызды ойынға дайындық мәселелері жан-жақты қаралды.

Қазір ұлттық құрама буын алмасу кезеңін бастан өткеріп жатыр. Негізгі құрамға жас ойыншылар жиі шақыртылып, олардың қатары әлі де арта түспек. Ал тәжірибелі ойыншылар саны азайып барады. Бұрынғы жұлдыздар Димаш Сүйлейменов пен Серік Жаманқұловтың ізін басқан Дәурен Тұрсағұлов пен Біржан Оразов бүгінде тәжірибелі ойыншылар қатарына қосылған.

Соған қарамастан, Кака шәкірттерінің Еуропа чемпионатының финалдық кезеңіне жолдама алатынына сенімді. 18 және 23 қыркүйекте өтетін Италияға қарсы ойындар оңайға соқпайды. Дегенмен, бас бапкер бастаған команда жанкүйерлерге қуаныш сыйлау үшін бар күшін салмақ.

Кака — талай маңызды турнирден өткен тәжірибелі маман. Қазір ол команда дайындығын күшейтіп, стратегиялық жоспарды жетілдіру үстінде. Құрамаға Эдсон қайта оралды. Сондай-ақ бабын табуы тиіс ойыншылармен жеке жаттығулар басталып кетті. Федерация тарапынан барлық қажетті қолдау көрсетіліп отыр.

Біздің серіктес: 200 000 фрибетті ұтысқа саламыз – арнаға жазыл және батырманы бас