Дедезиньо 2024/25 маусымының үздік ойыншысы атанды

Қазақстан футзал қауымдастығы өткен маусымның үздік ойыншылары мен мамандарын анықтау мақсатында сауалнама жүргізді, деп хабарлайды Sport12.kz.

Қазақстан футзал қауымдастығының хабарлауынша, «Семей» футзал клубының 25 жастағы бразилиялық шабуылшысы Андерсон Патросиньо Алвес «Дедезиньо» екінші маусым қатарынан үздік ойыншысы деп танылды. Қазақстан чемпионаты мен кубогының үздік бомбардирі атанды. Қазақстан клубтары үшін бір маусымда Чемпиондар лигасында соғылған голдар бойынша рекордсмен атанды. Өткен маусымда ол Қазақстан чемпионаты, кубогы мен суперкубогы мен Чемпиондар лигасында 57 кездесу өткізіп, 73 гол соққан. Екінші орынды да семейлік ойыншы Камиль Герейханов иеленді. Үздік үштікті «Аяттан» Жозе Джефферсон аяқтады.

Бұған дейін Дінмұхамбет Сүлейменов пен Дуглас үш рет, ал Александр Бондарев, Какау және Шыңғыс Есенаманов екі мәрте үздік ойыншы деп танылған болатын. Рафаэль, Келсон, Жоан, Серік Жаманқұлов, Қайрат Иманалин, Дәурен Тұрсағұлов, Тиаго Кабеса және Дедезиньо бір-бірден.

Біздің серіктес: 200 000 фрибетті ұтысқа саламыз – арнаға жазыл және батырманы бас