Нұрсұлтан Құрман Бекзат Саттарханов атындағы спорт кешеніндегі жұмыстармен танысты

Қазақстан футзал қауымдастығының президенті Нұрсұлтан Құрман Елордамыздағы Бекзат Саттарханов атындағы спорт кешеніне барып, нысаның қызметімен танысты.

Қауымдастық басшысын кешеннің бас директоры Нұрхан Төрәлі қарсы алып,спорттық инфрақұрылымның қазіргі жағдайы мен мүмкіндіктері жөнінде жан-жақты ақпарат берді. Қонаққа жаттығу залдары, алаңдар және қосымша қызметтер таныстырылды. 

Аталған кешен базасында түрлі деңгейдегі спорттық жарыстар ұйымдастырылып келеді. Сондай-ақ, бұқаралық спортты дамытуға және салауатты өмір салтын насихаттауға бағытталған сауықтыру бағдарламалары жүзеге асады деп жоспарлануда. Мұнда футзал, волейбол, баскетболға арналған алаңдармен қатар, бокс, дзюдо, қазақ күресі және өзге де жекпе-жек спорт түрлеріне арналған залдары бар.

Алдағы уақытта аталған кешенде футзалдан бірінші лига, жастар арасындағы жарыстар мен «Жұлдыз лига» ойындарын өткізу жоспарлары талқыланды.

Қазақстан футзал қауымдастығы елімізде футзалдың дамуына және оның кеңінен насихатталуына бағытталған жұмыстарды жүйелі түрде жалғастыра бермек.

Еске сала кетейік, Бекзат Саттарханов атындағы спорт кешені небәрі үш ай бұрын қолданысқа берілді. Ашылу салтанатында ҚР Президенті Қасым-Жомарт Кемелұлы Тоқаевтың өзі қатысқан еді.

Біздің серіктес: 200 000 фрибетті ұтысқа саламыз – арнаға жазыл және батырманы бас