Қазақстанда тағы бір футзал клубы пайда болады

Қазақстан футзалында кезекті рет клуб құрылады, деп хабарлайды Sport12.kz

Ол жайында Хромтау ауданының әкімдігі өз парақшасында жариялады:

- «Хромтау қаласында жаңа кәсіби «Хромтау» футзал клубы ашылды!

Бұл — аудан спортының дамуына серпін беретін маңызды қадам.

Енді жергілікті жастар кәсіби деңгейде жаттығып, республикалық және халықаралық жарыстарда өз шеберліктерін шыңдай алады.

«Хромтау» футзал клубы 2025 жылғы футзалдан ҚР чемпионатының «Бірінші лига» жаңа маусымына қатысады.

Клубтың жаттығулары мен ресми ойындары жақын арада құрылысы аяқталатын Дене шынықтыру-сауықтыру спорт кешенінде өтетін болады.

Сондай-ақ, команда құрамы жасақталып, жақын күндері ресми түрде жарияланады.

Бұл — болашақ чемпиондарды тәрбиелеудегі жаңа кезең!

Жерлестерімізге сәттілік пен жарқын жеңістер тілейміз!», - делінген хабарламада.

Айта кетейік, дәл қазіргі сәтте Қазақстан чемпионатының жоғарғы лигасында 12 клуб өнер көрсетеді.

Біздің серіктес: 200 000 фрибетті ұтысқа саламыз – арнаға жазыл және батырманы бас