Қазақстан - Италия: Үшінші кездесуден не күтеміз?

Футзалдан Қазақстан ұлттық құрамасының 2026 жылғы Еуропа чемпионатына іріктеу кезеңі плей-офф сатысындағы Италиямен кездесуі олардың үшінші кездесуі болады, деп хабарлайды Sport12.kz. 

Қарсыластар қазірге дейін бЕуропа чемпионаты аясында екі мәрте шеберлік байқасты.

2016 жыл. Қазақстан – Италия

Біздің құрама мен "скуадра азурра" арасындағы алғашқы матч 2016 жылғы Еуропа чемпионатының 1/4 финалында болды. Ойын Сербияның астанасы Белград қаласында өтті.

Бұл кездесуде отандастарымыз 5:2 есебімен сенімді түрде жеңіске жетті. Кездесу барысында Лео дубль жасаса, Серік Жаманқұлов, Шыңғыс Есенаманов пен Дәурен Нұрғожин бір-бірден гол соқты.

2022 жыл. Қазақстан – Италия 

Екінші кездесу 2022 жылғы Еуропа чемпионатының топтық кезеңінде өтті. Осы матчқа дейін және жалпы турнирде біздің құрама үшін көптеген қиындық кездесті. Ойыншыларда оң коронавирустық сынақтар, қонақүйлерде мәжбүрлі оқшаулау және қайта тексерулерді күту кездесті.

Соған қарамастан Кака мен оның шәкірттері бұл тапсырманы сенімді түрде орындап, Италияны тағы да 4-1 есебімен сенімді түрде жеңді. Ойын барысында Дуглас пен Азат Валиуллин ерекшеленсе,, Біржан Оразов дубльдің авторы атанды. Бұл жеңіс Қазақстанға топтағы бірінші орыннан шығуды қамтамасыз етті. Ал Италия осы кезеңде турнирде өз жолын аяқтады.

Біздің серіктес: 200 000 фрибетті ұтысқа саламыз – арнаға жазыл және батырманы бас