6 сағат бұрын
Футзалдан ел біріншілігінде «Қайрат» «Ақтөбеден» басым түсті
Фото: «Қайрат» футзал клубы
Бүгін футзалдан Қазақстан біріншілігінде жетінші тур ойындары өтті, деп хабарлайды Sport12.kz.
Биылғы біріншілікті сәтсіз бастаған алматылық «Қайрат» өз алаңында «Ақтөбемен» шеберлік байқасты. Қарсыласы осал болған жоқ. Ақтөбелік команда алты турда бірде-бір ұпай жоғалтқан жоқ болатын. Кездесу барысында алматылық клуб сенімд ойын көрсетті. Нәтижесінде қарсыласынан 8:1 есебімен басым түсті.
Көш басында келе жатқан Абай облысының «Семейі» өз алаңында «Атырауды» қабылдады. Алты ойынның барлығында жеңіске жетткен семейлік футболшылар сол жеңісті жолын жалғастырды. Олар «Атырауды» 4:3 есебімен жеңді.
Ойын күнтізбесі
«Шымкент» - «Жетісу» (Талдықорған) 4:3
«Семей» - «Атырау» 4:3
«Астана» - «Тұлпар» (Қарағанды) 4:3
«Каспий» (Ақтау) - «Аят» (Рудный) 3:4
«Қайрат» (Алматы) - «Ақтөбе» 8:1.
Айта кетсек, футзалдан ел біріншілігінде биыл 12 команда бақ сынап жатыр.
Бұл турдағы «Қарағанды» - «Бәйтерек» (Орал) кездесуі 11 қазан күні болады. Сондай-ақ аталған ойын күнінде өзге командалар сегізінші тур ойындары өткізеді.
Біздің серіктес: 200 000 фрибетті ұтысқа саламыз – арнаға жазыл және батырманы бас
