Футзалдан отандық клубтардың Чемпиондар лигасындағы қарсыластары анықталды

«Қайрат» пен «Семей» футзалдан Чемпиондар лигасының ширек финалында ойнайды, деп хабарлайды Sport12.kz.

1/4 финалда «Қайрат» испаниялық «Картахенаға» қарсылас болса, «Семей» француздың «Этуаль» клубымен кездеседі.

Еске сала кетейік, 1/8 финалда «Қайрат» бельгиялық «Спортинг Андерлехт» клубымен ойнап, екі матчтың қорытындысы бойынша 12:6 есебімен сенімді жеңіске жетті. Брюссельде «Қайрат» 7:3 есебімен жеңсе, Алматыда 5:3 есебімен басым түсті. Ал «Семей» плей-оффтағы алғашқы кезеңде польшалық «Пяст» клубымен кездесті. Семейдегі алғашқы ойында жеңімпаз анықталмай, матч 3:3 есебімен аяқталды. Қарымта ойында қазақстандық клуб камбэк жасап, сырт алаңда 5:3 есебімен жеңіске жетті.

1/4 финал

«Этуаль» (Франция) - «Семей»

«Пальма» (Испания) - «Рига» (Латвия) 

«Бенфика» (Португалия) - «Спортинг» (Португалия) 

«Қайрат» - «Картахена» (Испания)

Алғашқы ойын 2026 жылы 23 ақпанда, ал жауапты кездесу 6 наурызда өтеді.

Біздің серіктес: 200 000 фрибетті ұтысқа саламыз – арнаға жазыл және батырманы бас