«Семей» Қазақстан Кубогының тағдырын бір таймда шешіп тастады

Таразда Қазақстанның футзалдан Кубогының финалы өтіп, онда «Семей» пен «Ақтөбе» командалары кездесті, деп хабарлайды Sport12.kz.

Финалдық матч «Семейдің» айқын жеңісімен (5:2) аяқталды. 5-минутта Дедезиньо «Семейді» алға шығарды. Ал 13-минутта бразилиялық ойыншы дубль жасады. Үзіліс алдында «Семей» тағы екі гол соқты. Алдымен Габриэль Кандидо, кейін қақпашы Лео Игита бос қақпаға нәтижелі соққы жасады. 24-минутта «Семейдің» бесінші голын Марсело Аугусто дос Сантос соқты.

«Ақтөбе» 33-минутта Егор Нулет және 35-минутта Қайрат Иманалин арқылы ғана есепті қысқарта алды.

Осылайша, «Семей» Қазақстан Кубогының екінші жыл қатарынан жеңімпазы атанды.

Біздің серіктес: 200 000 фрибетті ұтысқа саламыз – арнаға жазыл және батырманы бас