Ұлттық құрама ойыншысы «Каспийге» ауысты

Алматылық «Қайрат» пен Қазақстан ұлттық футзал құрамасының ойыншысы Дамир Каирбай маусымды Ақтау қаласының «Каспий» клубында жалғастырады. Ауыстыру қысқы трансфер терезесінде уақытша жалға алу арқылы жүзеге асырылды.

Маусымның бірінші жартысында Каирбай ұлттық Кубок матчтарын қосқанда бірнеше кездесуге қатысып, алты гол соғып, үш нәтижелі пас берді. Сонымен қатар, ол ағымдағы турнирде «Приштинаға» қарсы Лига чемпиондарында дебют жасады.

Айта кетейік, Каирбайдың жалға алынуы қыста алматылық клубтың қабылдаған екінші осындай шешімі болды. Бұған дейін «Қайрат» Нарун Сериковты да жалға жіберген болатын, ол маусымды «Ақтөбеде» жалғастырды.

Біздің серіктес: Бізге тіркел!