3 күн бұрын
Футзалдан ӘЧ: Қазақстан құрамасы Испаниямен алғаш рет тең түсті
Сурет Қазақстан футбол федерациясы
Бүгін, 15 қыркүйекте футзалдан Қазақстан құрамасы Өзбекстанда өтіп жатқан әлем чемпионатында алғашқы ойынында Испаниямен кездесті.
Кездесу барысында қазақстандық Біржан Оразов небәрі бесінші секундта қарсыластар қақпасынан саңылау тауып кетті. Ойынның 17-минутында Хесус Гордильо таразы басын теңестірді.
Осылайша құрамалар 1:1 есебіне қанағат білдірді.
Екі құрама бұған дейін төрт мәрте кездессе, барлығында испаниялық футзалшылар жеңіске жеткен еді.
Енді Қазақстан құрамасы 18 қыркүйекте Ливиямен ойнаса, Испания Жаңа Зеландиямен шеберлік байқасады.