Әлем чемпионаты: Қазақстан құрамасы Ливиямен кездеседі

Бүгін, 18 қыркүйекте футзалдан Өзбекстанда өтіп жатқан әлем чемпионатында екінші турда Қазақстан құрамасы Ливиямен кездеседі.

Бүгінгі ойын 17:30-да «Qazsport» телеарнасы тікелей эфирінде көрсетіледі.

Ел құрамасының бүгінгі қарсыласы әзірге әлем чемпионатында жоғары жетістігімен көзге түсе қойған жоқ. Аталған топтағы әлсіз құрамалардың бірі саналады. Әлемдік рейтингте он бесінші орында тұр. Десе де Африка құрлығында үздіктер қатарынан көрініп келеді. 2024 жылы Африка Ұлттары кубогында қола жүлдегер атанды. 

Қазірге дейін екі құрама ешқашан кездескен емес. Соған қарамастан Қазақстан аталған кездесуде басты фаворит саналып отыр. 

Ел құрамасы D тобында Испания, Ливия және Жаңа Зеландиямен шеберлік байқасады.

Алғашқы турда Қазақстан құрамасы Испаниямен 1:1 есебімен тең ойнаса, Ливия Жаңа Зеландияны 5:2 есебімен тізе бүктірді.