3 сағат бұрын
Бүгін футзалдан әлем чемпионатында финал болады
Бүгін, 6 қазанда футзалдан әлем чемпионатында финал және 3-орын үшін ойындар өтеді.
Бұл ойындар Qazsport телеарнасы мен сайтынан тікелей эфирде көрсетіледі.
Финалда сағат 20.00-де Бразилия мен Аргентина шеберлік байқасады.
Қазірге дейін Бразилия 5 (1989, 1992, 1996, 2008, 2012) мәрте чемпион атанған еді. Аргентина 2016 жылы чемпион атанса, 2021 жылы күміс жүлдегер болды.
Ал 17.30-да Украина мен Франция шеберлік байқасады.
Айта кетсек, Аргентина ширек финалда Қазақстан құрамасын (6:1)қапы қалдырып кетті.
