Футзалдан 2028 жылғы әлем чемпионаты Мароккода өтуі мүмкін

Футзалдан 2028 жылғы әлем чемпионаты Мароккода өтуі мүмкін. Бұл жөнінде Sport12kz хабарлайды. 

Ресми емес дерек көздеріне сүйенсек, Марокко алдағы уақытта ресми түрде дүбірлі доданы өткізу жөнінде ұсыныс тастайды. 

Футзалдан әлем чемпионаты 1989 жылдан бері өткізіліп келеді. Әзірге ол Африка құрлығында өткізілген емес. 

Қазірге дейін төрт құрама әлем чемпионы атағын жеңіп алды. қазірге дейін Бразилия - 6 (1989, 1992, 1996, 2008, 2012, 2024), Испания - 2 (2000, 2004), Аргентина (2016) мен Португалия (2021) бір-бірден жеңіс тұғырына көтерілді.

Қазақстан құрамасы қазірге дейін әлем чемпионатының финалдық сатысында 2000, 2016, 2021 жылдарда сынға түсіп, 2021 жылы 4-орынға табан тіреді.

Биыл Қазақстан D тобында Испаниямен 1:1 есебімен тең ойнаса, одан кейін Ливияны 4:1, Жаңа Зеландияны 10:0 есебімен тізе бүктірді. Нәтижесінде өз тобында Испанияны алға жіберіп, екінші орын алды.

Одан кейін 1/8 финалда Португалияны 2:1 есебімен жеңіп, ширек финалға шықты. Ширек финалда Аргентинаға 1:6 есебімен жеңіліп қалды.