Футзалдан Чемпиондар лигасы: «Семей» үшінші жолдамаға ие бола ма?

Бүгін «Семей» мен алматылық «Қайрат» УЕФА Чемпиондар лигасының негізгі кезеңіндегі қорытынды ойындарын өткізеді.

Алдымен 17.00-де «Халадаш» пен «Семей» ойнаса, 20.00-де «Спортинг» пен «Қайрат» шеберлік байқасады.

Алғашқы екі турдан кейін «Қайрат» алты ұпай жинап, жарыстың келесі сатысына жолдама алды. Олар алдымен венгриялық «Халадашты» 4:0 есебімен тізе бүктірсе, одан кейін «Семейден» 5:1 есебімен басым түсті. Ал семейлік клуб португалиялық «Спортингке» 4:6 есебімен есе жіберді.

Жарыстың келесі сатысына берілетін тағы бір жолдама «Спортингке» бұйырды. 

Үшінші жолдама иесі «Халадаш» пен «Семей» кездесуінде анықталады.