31.10.2024
«Қайрат» пен «Семейдің» элиталық кезеңдегі қарсыластары анықталды
Фото: afckairat.kz
Қазақстандық «Қайрат» пен «Семей» командаларының футзалдан УЕФА Чемпиондар лигасы элиталық кезеңіндегі қарсыластары анықталды.
Алматылық «Қайрат» элиталық кезеңде «Олмиссум» (Хорватия), «Этуаль» (Франция) және «Динамо» (Хорватия) клубтарымен B тобында сынға түседі. Бұл топтың ойындары Хорватияның Загреб қаласында өтеді.
Ал «Семей» элиталық кезеңде D тобында «Пальма» (Испания), «Лученец» (Словакия) және «Рекорд» (Польша) командаларымен шеберлік байқасады. Аталған ұжымдар Испанияның Мальорка қаласында топтағы жалғыз жолдаманы сарапқа салады.
Айта кетсек, УЕФА Чемпиондар лигасының элиталық кезеңі 26 қараша мен 1 желтоқсан аралығында өтеді.
