02.11.2024
Дуглас Жуниор қызды болды
Фото: ҚФФ
Футзалдан Қазақстан ұлттық құрамасының ойыншысы Дуглас Жуниор қызды болды.
«Дугластың отбасын шын жүректен құттықтай отырып, сәбидің ғұмырлы ару болуына шын жүректен тілектестік білдіреміз», - деп жазылған Қазақстан футбол федерациясы таратқан хабарламада.
Дуглас Жуниор 1988 жылы 15 қазанда Бразилияда дүниеге келген. Спорттағы алғашқы қадамын 2008 жылы өз еліндегі АБС командасында бастаған. Одан кейін Чехияның «Эра-Пак» (Хрудим) клубында доп тепті. 2014-2024 жылдарда алматылық «Қайрат» сапында ойын көрсетті. 2022 жылы Ресейдің КПРФ клубына жалға берілді.
Қазір Сауд Арабиясының «Аль-Ула» клубының намысын қорғайды.
2015 жылдан бері Қазақстан ұлттық құрамасының жейдесін киді.
