13.01.2025
Игитаға «жылдың үздік қақпашысы» атағы бұйырмады
Азамат Бақи
Армения құрамасының және испаниялық "Пальма Футзал" клубының голкипері Луан Мюллер Futsal Planet басылымы табыстаған "2024 жылдың үздік қақпашысы" жүлдесін жеңіп алды.
Мюллер өнер көрсететін "Пальма" өткен жылы Ереван төрінде өткен Чемпиондар Лигасының финалында "Барселонаны" 1:5 есебімен жеңіп, қарт құрлықтың басты додасының чемпионы атанған.
Айта кетейік, бұл марапатқа біздің отандасымыз, "Семей" футзал клубының қақпашысы Лео Игита үміткер болды. Бұл Игитаның аталмыш номинацияға үмітті ойыншылар тізіміне қатарынан 12 рет енуі. Сондай-ақ Лео бұл жүлдені 5 мәрте жеңіп алған.
