4 сағат бұрын
Қазақстандық футзалшы Сауд Арабиясы чемпионатында топ жарды
Фото: Қазақстан футзал құрамасы
Футзалдан Қазақстан құрамасының ойыншысы Дуглас Жуниор «Әл-Ула» клубымен бірге Сауд Арабиясы чемпионы атанды, деп хабарлайды Sport12.kz.
Біріншіліктің шешуші кездесуінде «Әл-Ула» «Әл-Насрды» 5:3 есебімен жеңді. Аталған ойында отандасымыз 2 гол соғып, 1 нәтижелі пасымен көзге түсті.
Айта кетейік, ұлты бразилиялық ойыншы Қазақстан намысын 2015 жылдан бері қорғап келеді. Осы уақыт аралығында Дуглас ел құрамасы жейдесінде 91 матч өткізіп, 65 гол соқты. Ал саудиялық клубқа ол 2024 жылдың қазан айында алматылық «Қайраттан» ауысып барды.
