Чемпиондар лигасына қатысатын «Қайраттың» құрамы белгілі болды

Қазақстандық «Қайрат» футзал клубы Чемпиондар лигасының төрттік финалына қатысатын ойыншылар тізімін жариялады, деп хабарлайды Sport12.kz.

Францияның Ле-Ман қаласында өтетін айтулы турнирге алматылықтар 15 ойыншы алып барды.

Қақпашылар: Деннис, Нарун Серіков;

Алаңдағы ойыншылар: Эдсон, Арнольд Кнауб, Жахангир Рашит, Денер Родриго, Жулио Занотто, Дәурен Тұрсағұлов, Кайо Руис, Біржан Оразов, Лукас Отанья, Кевин Аррьета, Геге, Вендел Мендес, Алиссон де Лима.

Еске салсақ, УЕФА Чемпиондар лигасының төрттік финал ойындары Францияның Ле-Ман қаласында 2-4 мамыр аралығында өтеді. 1/2 финалда «Қайрат» (Қазақстан) «Картахенамен» (Испания) күш сынасса, «Пальма» (Испания) «Спортингпен» (Португалия) финалдық жолдаманы сарапқа салады. Аталған ойындарды көрермендер назарына Qazsport телеарнасы тікелей эфирде ұсынады.