Чемпиондар лигасы: «Қайрат» футзал клубы Францияға жетті

Алматылық «Қайрат» футзалдан Чемпиондар лигасының төрттік финалына қатысу үшін Францияның Ле-Ман қаласына келді, хабарлайды Sport12.kz.

Қазақстандық команда жарыстың аталған сатысында Испанияның «Пальма», Чемпиондар Лигасының екі дүркін жеңімпаздары — «Спортинг», сондай-ақ финалдық кезеңнің дебютанты испаниялық «Картахена» клубтарымен шеберлік байқасады.

Жартылай финалда алматылық клуб «Картахенамен» (Испания) күш сынасады. Ал тағы бір жұпта «Пальма» мен «Спортинг» финалға берілетін жолдаманы сарапқа салады. 

Аталған ойындарды көрермендер назарына Qazsport телеарнасы тікелей эфирде ұсынады.

Төрттік финал ойындары Францияның Ле-Ман қаласында 2-4 мамыр аралығында өтеді.