Чемпиондар лигасы: «Қайрат» финалға жолдама алды

 Футзалдан Чемпиондар лигасы жартылай финалында алматылық «Қайрат» Испанияның «Картахена» клубын жеңіп, финалға жолдама алды, деп хабарлайды Sport12.kz.

Ойынның бірінші кезеңі тартысты өрбіді. Командалар бірден шабуылға көшті. Десе де бір-бірінің қақпасынан саңылау таба алған жоқ. Алматылық клубтан Алиссон 16-минутта мергендік танытса, 39-минутта испаниялық клуб таразы басын теңестірді.

Біірінші кезеңде командалар 1:1 есебіне қанағат білдірді. 

Екінші кезеңде «Картахена» басымдықты арттыра түсті. Гол соғатын мүмкіндікті іздеді. Оған алматылық клуб ойыншылары лайықты қарсылық көрсетті. 

Ойынның 37-минутта Алиссон тағы бір годды өзінің еншісіне жазса, Деннис 39-минутта басымдықты арттырды. 

Ал 40-минутта «Қайрат» қақпасына белгіленген пенальтиден испаниялықтар мүлт кеткен жоқ.

Осылайша алматылық клуб қарсыласынан 3:2 есебімен басым түсіп, финалға жолдама алды. 

Сондай-ақ тағы бір жартылай финалда «Пальма» (Испания) мен «Спортинг» (Португалия) ойнайды.

Финал 4 мамыр күні өткізіледі.