«Қайрат» капитаны финал алдында мәлімдеме жасады

Футзалдан Чемпиондар лигасының жартылай финалында испаниялық «Картахена» клубын 3:2 есебімен жеңген «Қайрат» командасының капитаны Біржан Оразов матч туралы пікір білдірді, деп хабарлайды Sport12.kz

— Ең алдымен жанкүйерлерді жеңіспен құттықтаймын. Бұл өте қиын ойын болды. Біз оған тыңғылықты дайындалдық. Қарсыласымызды жан-жақты зерттедік деп ойлаймын және бұл жеңіс — біздің еңбегіміздің жемісі. Біз финалдамыз және бар күшімізді салып, жеңіске жетуге тырысамыз. Чемпиондар лигасының көптен күткен кубогын Алматыға алып келеміз деп үміттенемін, — деді Оразов.

Сұхбат барысында бірінші таймда ақсаңдап жүргені туралы сұраққа да жауап берді:

— Аяғым ауырып тұр7Бірақ оған назар аударғым келмейді. Алда — финал. Жарақат болса да, біз жеңіс үшін бар күшімізді саламыз.

Еске сала кетейік, «Қайрат» Чемпиондар лигасының финалында 4 мамыр күні Испанияның «Пальма» командасымен кездеседі.