23.05.2025
Футзалдан Қазақстан чемпионатының плей-офф кезеңіне қай командалар шықты
Фото: «Қайрат» футзал клубы
Футзалдан Қазақстан чемпионатының плей-офф кезеңіне шыққан клубтар анықталды, деп хабарлайды Sport12.kz.
Енді ширек финалда «Семей» мен «Бәйтерек», «Қайрат» (Алматы) пен «Жетісу» (Талдықорған), «Атырау» мен «Ордабасы» (Шымкент), «Аят» (Рудный) пен «Ақтөбе» клубтары кездеседі.
Ширек финал 27 мамыр, жартылай финал 7 маусымға белгіленген. Ал финал 23 маусымға жоспарланған.
Ширек финал бір команданың екі жеңісіне дейін жалғасады. Жартылай финалда ол үш жеңіске дейін белгіленген. Ал, 3-орын үшін командалар екі жеңіске дейін бәсекеге түссе, финалда жеңімпаз үш жеңіс бойынша анықталады.
