Батырлан Мұратов «Барыс» сапында қалады

«Барыс» хоккей клубы қазақстандық шабуылшы Батырлан Мұратовпен екіжақты келісімшарт жасасты, деп хабарлайды Sport12.kz.

Келісім бір маусымға есептеліп, 2026 жылдың 31 мамырына дейін күшінде болады.

Мұратов клуб жүйесіндегі командалар сапында 2016 жылдан бері (арасында қысқа үзіліс болды) өнер көрсетіп келеді. Өткен маусымда ол Құрлықтық хоккей лигасында қатысқан 41 ойында 3 шайба соғып, 6 нәтижелі пас берді.

Айта кетсек, бұдан бұрын елордалық клубпен АҚШ хоккейшілеріі Иэн Маккош, Майкл Веккьоне, Райли Уолш, канадалық Джейк Масси, ресейлік Юрий Паутов, Владимир Волков, Эмиль Галимов, қазақстандық Кирилл Панюков, Кириллом Савицкий, Батырлан Мұратов, Роман Старченкомен келісімшартқа қол қойды.

Қазақстандық клуб Құрлықтық хоккей лигасындағы жаңа маусымда алғашқы үш ойынды елордада өткізеді. Алдымен 7 қыркүйекте Ресейдің «Трактор» (Челябинск) командасымен кездессе, одан кейін 9 қыркүйекте «Амур» (Хабаровск), 13 қыркүйекте Беларусьтің «Динамо» (Минск) клубтарымен шеберлік байқасады.

Біздің серіктес: 200 000 фрибетті ұтысқа саламыз – арнаға жазыл және батырманы бас