Астанада пара хоккейден әлем чемпионаты өтеді

Астанада 6-11 қыркүйекте пара хоккейден (B-пул) әлем чемпионаты өтеді, деп хабарлайды Sport12.kz.

Жарысқа Италия, Жапония, Швеция, Қазақстан, Франция және Финляндия құрамалары қатысады.

Әлем чемпионатында 2026 жылғы Милан XIV қысқы Паралимпиада ойындарына іріктеу турниріне берілетін екі жолдама сарапқа салынады.

Әлем чемпионатында ел құрамасы 6 қыркүйекте Швеция, 7 қыркүйекте Жапония, 8 қыркүйекте Италиямен шеберлік байқасса, 10 қыркүйекте Франция, 11 қыркүйекте Финляндиямен шеберлік байқасады.

Елімізде пара хоккейдің негізі 2021 жылы қаланған. Соған қарамастан қазақстандық спортшылар түрлі жарыстарда ел намысын абыроймен қорғап келеді. 

Біздің серіктес: 200 000 фрибетті ұтысқа саламыз – арнаға жазыл және батырманы бас