«Барыс» хоккейшісінің мұрны сынып, жарақат алғандар тізіміне енгізілді

«Барыс» командасының хоккейшісі Иэн Маккошен жарақат алғандар тізіміне енгізілді, деп хабарлайды Sport12.kz. 

Ол 7 қыркүйекте елордада «Трактормен» өткен матч барысында жарақат алды. Қарсылас команда хоккейшісінің соққысынан кейін оның бетіне шайба тиіп кетті. Салдарынан Иэн Маккошеннің мұрны сынды. Қорғаушы жарақат алғандар тізіміне ауыстырылып, «Барыстың» алдағы ойындарын өткізіп алады.

Ол команда құрамына биыл қосылды.Біржақты келісімшарт 2026 жылғы 31 мамырға дейін жарамды, ол бір маусымға есептелген.

2013 жылы «Флорида Пантерз» клубы драфтта таңдаған Маккошен кәсіби мансабының басым бөлігін Солтүстік Америкада өткізді. Ол Ұлттық хоккей лигасында 60, АХЛ-де 244 ойынға қатысты.

Құрлықтық хоккей лигасындағы алғашқы маусымын Иэн 2024/2025 жылдары өткізді. «Куньлунь Ред Стар» сапында 61 матчқа қатысып, 4 шайба соқты және 11 нәтижелі пас берді.

Біздің серіктес: 200 000 фрибетті ұтысқа саламыз – арнаға жазыл және батырманы бас