Қазақстан хоккей құрамасының бұрынғы ойыншысы «Барыста» қызмет атқаратын болды

Шайбалы хоккейден Қазақстан құрамасы мен елордалық «Барыс» командасының қорғаушысы Леонид Метальников жаңа қызметке келді, деп хабарлайды Sport12.kz.

Енді ол клуб жүйесінде бас менеджер ретінде еңбек жолын жалғастырады.

Леонид Метальников 1990 жылы дүниеге келген. Өскемен хоккей мектебінің түлегі өз мансабында қазақстандық «Торпедо», «Горняк», «Ертіс», «Барыс», «Сарыарқа», ресейлік «Южный Урал», «Адмирал» клубтарының намысын қорғады. 

Леонид Метальников - хоккейден халықаралық дәрежедегі спорт шебері. Ол ойыншы ретінде Петров кубогының иегері, Бүкіләлемдік қысқы Универсиаданың күміс жүлдегері, сондай-ақ бірнеше рет бірінші дивизиондағы әлем чемпионатының жеңімпазы атанған.

Қазақстан құрамасының және «Барыс» клубының бұрынғы қорғаушысы кәсіби мансабын 2025 жылдың жазында аяқтады.

Біздің серіктес: 200 000 фрибетті ұтысқа саламыз – арнаға жазыл және батырманы бас