Бүгін Астанада «Барыс» пен «Нефтехимик» кездеседі

15 қаңтар бейсенбі күні Астанада Құрлықтық хоккей лигасының тұрақты чемпионаты аясында «Барыс» пен «Нефтехимик» командалары кездеседі.

Матчтың тікелей эфирі Қазақстан уақытымен сағат 19:00-де Qazsport телеарнасынан көрсетіледі.

Ағымдағы маусымда «Нефтехимик» 45 ойында 47 ұпай жинаса, «Барыс» 46 матч өткізіп, 37 ұпайға ие болды. Соңғы кездесуде «Барыс» «Автомобилист» командасына қонақта 1:2 есебімен жеңіліп қалса, «Нефтехимик» «Ақ Барс» командасын 2:0 есебімен таңғалдырып жеңді.

Айта кетейік, КХЛ-де «Барыс» пен «Нефтехимик» биыл екі рет кездесіп, екеуінде де жеңіске Нижнекамск клубы жеткен (3:2, 5:2).

Біздің серіктес: Бізге тіркел!