2 сағат бұрын
Шайбалы хоккейден әлем чемпионаты кейінге шегерілді
Фото: allhockey.ru
Халықаралық хоккей федерациясы аймақтағы шиеленісті жағдайға байланысты Кувейттегі және Біріккен Араб Әмірлігіндегі төменгі дивизиондардағы әлем чемпионаттарын кейінге қалдыру туралы шешім қабылдады, деп хабарлайды Sport12.kz.
- ИИХФ Кеңесінің шешіміне сәйкес, Біріккен Араб Әмірліктерінде 2026 жылғы 20-26 сәуірге және Кувейтте 2026 жылғы 12-18 сәуірге жоспарланған турнирлер өңірдегі ағымдағы жағдайға байланысты көрсетілген мерзімде өтпейді. Бұл шешім жағдайларды мұқият бағалағаннан кейін қабылданды. Қауіпсіздік басты басымдық болып қала береді. Мәселе кеңестің келесі отырысында одан әрі талқыланатын болады, онда чемпионаттардың мәртебесі туралы шешім қабылданады, - делінген ИИХФ баспасөз қызметінің хабарламасында.
Екінші дивизионның А тобында (төртінші деңгей) әлем чемпионатын Хорватия, Бельгия, Австралия, Сербия, БАӘ және Грузия ойнауы керек. Төртінші дивизионға (сегізінші деңгей) Сингапур, Индонезия, Иран, Армения, Кувейт және Малайзия қатысады деп жоспарлануда.
Біздің серіктес: «Ойна, болжа, қатыс!»
