3 сағат бұрын
Хоккейден ұлттық құрама әлем чемпионатының дайындығына кірісті
Қанат Байұзақов
Қазақстанның хоккейден ұлттық құрамасы Астанадағы оқу-жаттығу жиынының алғашқы кезеңіне кірісті, деп хабарлайды Sport12.kz.
18 сәуірде кеңейтілген құрамдағы хоккейшілер Минск қаласына аттанып, сол жерде әлем чемпионатына дайындықты жалғастырып, жергілікті командалармен жолдастық кездесулер өткізеді.
26 сәуірде құрам Польшаға барып, онда жиынның соңғы кезеңі өтеді. IA дивизионындағы әлем чемпионаты 2–9 мамыр аралығында Польшаның Сосновец қаласында өтеді.
Еске салсақ, 2026 жылғы әлем чемпионатында біздің хоккейшілер Франция, Украина, Жапония, Польша және Литва құрамаларымен кездеседі. Элита дивизионына жолдаманы алғашқы екі команда алады. Соңғы орын алған құрама IB дивизионына түседі.
Біздің серіктес: Olimpbet қосымшасын пайдалан
