Еуро-2025: Футболдан Қазақстан әйелдер құрамасы екі ойын өткізеді

Қазақстан әйелдер құрамасының бас бапкері Мадияр Кембілов Еуро-2025 іріктеу кезеңі аясында Румыния және Болгарияға қарсы өтетін матчтарға шақырту алған ойыншылар тізімін жариялады, деп хабарлайды sport12 Қазақстан футбол федерациясына сілтеме жасап.

Қазақстан әйелдер құрамасы 2025 жылғы Еуропа чемпионатына іріктеу кезеңі матчтарына дайындығын Алматы қаласында өткізеді. Румынияға қарсы алғашқы матч 12 шілдеде Алматының Орталық стадионында стадионында өтеді деп жоспарланған. Ал Болгарияға қарсы ойын 16 шілде күні София қаласында «Славия» стадионында өтеді. 

Қазақстан әйелдер құрамасы ойыншыларының кеңейтілген тізімі:

Қақпашылар: Ангелина Портнова («Луссо Найк», Грузия), Виктория Зейнали, Назым Исмайлова (екеуі де – «Томирис-Тұран»);

Қорғаушылар: Юлия Мясникова (ЦСКА, Ресей), Александра Бурова, Камила Совет (екеуі де – «БИІК-Шымкент»), Милана Егиазарян («Қайрат»), Анастасия Власова («Ақтөбе»), Айгерім Айтымова, Қазына Норбаева (екеуі де – «Ордабасы»), Мария Демидова («Минск», Беларусь);

Жартылай қорғаушылар: Аида Гайстенова («Звезда-2005», Ресей), Анастасия Низамутдинова («Енисей», Ресей), Адина Ізімбаева, Анель Досболова (екеуі де – «Қайрат»), Камила Құлмағамбетова, Бибігүл Нұрышева, Әселхан Тұрлыбекова, Ксенья Хайрулина, Жанеля Ержанова, Маргарита Талдыкина (бәрі – «БИІК-Шымкент»), Аяжан Қожабекова («Ақсу»), Милана Ткач («Ордабасы»), Әсем Қаражанова («Ақтөбе»);

Шабуылшылар: Валерия Попова («БИІК-Шымкент»), Әмина Бибосынова («Турбине Потсдам», Германия), Назым Алданазар, Полина Тучина (екеуі де – «Қайрат»).