Елордалық «Барыс» Екатеринбургте жеңіске жете ала ма?

Қазақстандық «Барыс» командасы бүгін Құрлықтық хоккей лигасындағы кезекті ойынын Ресейде «Автомобилист» (Екатеринбург) командасына қарсы өткізеді.

Кездесу бүгін, 17 қыркүйекте сағат 19:00-дe басталып, «Qazsport» телеарнасынан тікелей эфирде көрсетіледі.

Екі команда бұған дейін 61 мәрте кездескен. Оның 37-i елордалық клубтың басымдығымен аяқталса, қалған ойында ресейлік команда жеңіске жеткен.

Дэвид Немировски бастаған команда Екатеринбург – Қазан – Балашиха бағытындағы жаңа маусымның алғашқы сырт айдындағы матчтар сериясына келесідей құраммен аттанды.

Қақпашылар:Никита Бояркин, Юхан Маттссон, Владимир Никитин.

Қорғаушылар:Виктор Антипин, Әділ Бекетаев, Уилл Бутчер, Тамирлан Гайтамиров, Самат Данияр, Никита Камалов, Артём Королёв.

Шабуылшылар:Әлихан Әсетов, Антон Бурдасов, Чейс ДеЛео, Дамир Жафяров, Владислав Кодола, Дінмұхамед Қайыржан, Майкл Маклауд, Максим Мухаметов, Әлихан Өмірбеков, Руслан Оспанов, Кирилл Панюков, Кирилл Савицкий, Коннор Смит, Роман Старченко, Аңсар Шайхмедденов, Уэйд Эллисон.

«Барыстың» жарақат алған ойыншылары тізімінде Батырлан Мұратов пен Натан Больё қала беріп отыр. Сондай-ақ, медициналық себептерге байланысты Даниил Апальков сырт айдындағы матчтарға қатыса алмайды. Всеволод Логвин мен Олег Бойко алдағы уақытта «Номад» сапында өнер көрсетеді.