2 күн бұрын
«Барыс» жаңа маусымда алғаш рет жеңіске жетті
«Барыс» хоккей командасы
Қазақстандық «Барыс» командасы бүгін Құрлықтық хоккей лигасындағы кезекті ойынын Ресейде «Автомобилист» (Екатеринбург) командасына қарсы өткізді.
Ойынның басталғанына небәрі 27 секунд өткенде елордалық хоккейші Кирилл Савицкий әріптесі Роман Старченконың берген пасын голға айналдырды.
Екінші кезеңде ресейлік хоккейшілер таразы басын теңестірді. Бұл голды 23-минутта Ники Меркли өзінің еншісіне жазды.
Негізгі кезең 1:1 есебімен тең аяқталып, ойын овертаймға ұласты. Овертаймда Майкл Маклауд жеңіс шайбасын соғып кетті.
Осылайша «Барыс» қарсыласынан 2:1 есебімен басым түсіп, жаңа маусымдағы алғашқы жеңісіне жетті.