21.09.2024
«Барыс» тағы жеңілді, бас бапкер қызметінен кете ме?
Сурет «Барыс» хоккей клубы
Қазақстандық «Барыс» командасы бүгін Құрлықтық хоккей лигасындағы кезекті ойынын Ресейде «Витязь» (Подольск) командасына қарсы өткізді.
Кездесу барысында қазақстандық команда өте сәтсіз ойнады. Ресейлік клубтан Иван Чехович 3-минутта есеп ашса, Әділ Бекетаев 18-минутта таразы басын теңестірді.
Одан кейін ресейлік клубтан Егор Воронков 18, Иван Воробьёв 32, Дерек Барак 36-минутта мергендік танытты.
Осылайша «Барыс» қарсыласына 1:4 есебімен есе жіберді. Бұл - елордалық клубтың жаңа маусымдағы алтыншы жеңілісі.
Команданың бас бапкері Дэвид Немировски «Барысты» жеңіске жетелей алар емес. Қызметінен қош айтыса ма? Оны алдағы уақытта білетін боламыз.