4 күн бұрын
«Барыс» бас бапкердің міндетін атқарушы тағайындалғанын ресми түрде хабарлады
«Барыс» хоккей клубы
Құрлықтық хоккей лигасы жаңа маусымының басында команданың нашар нәтиже көрсетуіне байланысты «Барыс» пен мәскеулік «Динамо» арасындағы матч алдында команданың бас бапкерінің міндетін атқарушы қызметіне Евгений Королевті тағайындау туралы шешім қабылданды.
Бапкерлер штабының жаңартылған құрамы туралы толық ақпарат барлық міндетті процедуралардан кейін қосымша хабарланады.
Дәл қазір елордалық клуб мәскеулік «Динамо» (Ресей) командасымен кездесіп жатыр.
Енді қазақстандық команда бұдан кейінгі үш ойынын елордада өткізеді.
Алдымен 26 қыркүйекте Ресейдің «Сочи» клубымен ойнаса, одан кейін 28 қыркүйекте «Витязь» (Подольск), 30 қыркүйекте «Торпедо» (Нижний Новгород) командаларымен кездеседі.