12.10.2024
Шайбалы хоккейден Қазақстан біріншілігінде «Сарыарқа» екінші орынға көтерілді
Фото: «Сарыарқа» хоккей клубы
Бүгін шайбалы хоккейден Қазақстан біріншілігінде екі ойын өткізілді.
Оңтүстік астананың атынан сынға түсіп жатқан «Алматы» командасы өз айдынында Рудныйдың «Горнягын» 4:3 есебімен жеңді. Турнир кестесінде соңғы орындарда келе жатқан алматылық клуб осылайша тоғызыншы орынға көтерілді. Ал «Горняк» төртінші орында келеді.
Тағы бір кездесуде қарағандылық «Сарыарқа» Өзбекстанның «Хумо» клубын 3:2 есебімен тізе бүктірді. Турнир кестесінде «Сарыарқа» екінші, «Хумо» сегізінші орында келеді.
Енді 13 қазанда командалар тағы бір ойыннан өткізеді.
