4 күн бұрын
«Барыс» Ресейде «Cочи» командасын қапы қалдырды
Фото: «Барыс» хоккей командасы
Қазақстандық «Барыс» командасы бүгін, 17 қарашада Құрлықтық хоккей лигасындағы кезекті ойынын елордада Ресейдің «Cочи» командасына қарсы өткізді.
Кездесуде елордалық команда алғашқы минутта белсенділік көрсетті. Нәтижесінде Әлихан Өмірбеков 14-минутта есеп ашса, Кирилл Савицкий 15-минутта басымдықты арттырды.
Ал «Cочи» сапынан Данил Мокрушев 16-минутта есеп айырмасын қысқартса, одан кейін елордалық командадан Никита Сетдиков 24-минутта көздеген нысанадан мүлт кеткен жоқ.
Ресейлік клубтан Данил Авершин 29, Тимур Хафизов 32-минутта қос шайба соғып, таразы басын теңестірген еді.
Келесі кезекте елордалық клубтан Кирилл Панюков 36, Антон Бурдасов 50, Кирилл Савицкий 51-минутта үш голдың авторы атанды.
Осылайша «Барыс» қарсыласын 6:3 есебімен тізе бүктіріп, турнир кестесіндегі жағдайын жақсарта түсті.
