Жаңа хоккей турнирінде «Барыс» «Металлургті» жеңді 

Құрлықтық хоккей лигасында 3х3 форматында сынға түсіп жатқан елордалық «Барыс» екінші жеңісіне қол жеткізді.

Қазақстандық команда бұл жолы Ресейдің «Металлург» (Магнитогорск) командасын 6:3 есебімен тізе бүктірді. Олардың қатарынан Марат Сағымбаев (8, 12), Талғат Жайлауов (10, 14), Кәрім Кажибеков (12) және Станислав Филиппенко (20) мергендік танытты.

Осылайша олар қарсыласын 6:3 есебімен жеңді.

Елордалық команда бұдан бұрын Ресейдің «Трактор» (Челябі) командасын 6:4 есебімен жеңді.

Енді қазақстандық команда алдағы екі ойынын елордада аталған екі командаға қарсы өткізеді. 3 қаңтарда алдымен «Трактормен» ойнаса, одан кейін «Металлургпен» шеберлік байқасады.