2 күн бұрын
Хоккейден әлем чемпионаты: Финалда АҚШ пен Финляндия ойнайды
Фото: gazeta.ru
Шайбалы хоккейден 20 жасқа дейінгі жастар құрамалары арасындағы әлем чемпионаты жоғары дивизионында финалға шыққан құрамалар анықталды.
5 қаңтарда жартылай финалда Швеция құрамасы овертаймда Финляндияға 3:4 есебімен жеңілсе, АҚШ құрамасы Чехияны 4:1 есебімен тізе бүктірді.
Енді 6 қаңтарда финалда Финляндия мен АҚШ, 3-орын үшін Швеция мен Чехия шеберлік байқасады.
Қазақстандық хоккейшілер әлем чемпионатында B тобында ойын көрсетті. Топтық кезеңде олар Швециядан 0:8, Чехиядан 2:14, Швейцариядан 4:5, Словакиядан 1:3 есебімен жеңіліп, плей-офф сатысына шыға алмай қалды.
Ал жоғары дивизионда орнын сақтап қалу үшін өткен ойында Германияға 3:4 есебімен жол берді.
