«Барыс» бүгін Ресейде «Лада» командасымен кездеседі

Қазақстандық «Барыс» командасы бүгін, яғни 9 қаңтарда Құрлықтық хоккей лигасындағы кезекті ойынын Ресейде «Лада» (Тольятти) командасына қарсы өткізеді. 

Ойын елорда уақытымен 19:50-дe басталып, «Qazsport» телеарнасынан тікелей эфирде көрсетіледі.

Екі команда бұған дейін 20 мәрте кездескен. Оның 7-еуi елордалық клубтың басымдығымен аяқталса, қалған ойында ресейлік команда жеңіске жеткен. 

Кейінгі алты кездесудің бесеуінде қазақстандық клуб аталған қарсыласына жіберді.

Қазір турнир кестесінде «Барыс» 24 ұпаймен 22-орында тұрса, «Лада» 37 ұпаймен 20-орында келеді.

Айта кетсек, елордалық клуб бұдан кейінгі тағы бір ойынын сырт айдында өткізіп, 11 қаңтарда Ресейдің «Ак Барс» (Қазан) командасымен шеберлік байқасады.

Елордалық клубтың бапкерлері аталған ойындарға қатысатын хоккейшілер тізімін жариялады. 

Қақпашылар: Никита Бояркин, Юхан Маттссон, Артём Шестаков.

Қорғаушылар: Виктор Антипин, Әділ Бекетаев, Данил Бутенко, Тамирлан Гайтамиров, Самат Данияр, Мәди Диханбек, Хақназар Кеңесбай,Артём Королёв, Илья Хохлов.

Шабуылшылар: Әлихан Әсетов, Станислав Бочаров, Антон Бурдасов, Артур Гросс, Дамир Жафяров, Дінмұхамед Қайыржан, Всеволод Логвин, Иван Николишин, Әлихан Өмірбеков, Руслан Оспанов, Кирилл Панюков, Михаил Рахманов, Кирилл Савицкий, Никита Сетдиков, Аңсар Шайхмедденов.

Аталған ойындарға жарақатына байланысты Роман Старченко, Максим Мухаметов және Батырлан Мұратов қатыса алмайды. Сондай-ақ медициналық себептерге байланысты Андрей Шутов бұл тізімге енген жоқ. Бейбарыс Оразов пен Николай Шульга жақын уақытта Қазақстан студенттер құрамасына қосылады. Олар Италияда өтетін Қысқы Универсиадаға қатысады.