15.02.2025
«Барыс» қатарынан бесінші мәрте жеңілді
Фото: «Барыс» хоккей командасы
Қазақстандық «Барыс» командасы бүгін, яғни 15 ақпанда Құрлықтық хоккей лигасындағы кезекті ойынын елордада Ресейдің «Лада» (Тольятти) командасына қарсы өткізді.
Ойынның 10-минутында «Лада» хоккейшісі Никита Михайлов есеп ашқан еді. Одан кейін елордалық клубтан Мстислав Шипилин 23, Кирилл Ляпунов 25-минутта екі шайба соғып кетті.
Ал ресейлік клубтан Никита Михайлов 50-минутта тағы бір мәрте көзге түссе, одан кейін Алексей Ожгихин 58, Дмитрий Кугрышев 58-минутта мергендік танытты.
Осылайша елордалық клуб қарсыласына 2:4 есебімен есе жіберді.
