16.02.2025
«Барыс» клубының қақпашысы Никита Бояркин қаншалықты жарақат алды?
Қанат Байұзақов
«Барыс» клубының бас бапкері Ғалым Мәмбеталиев Никита Бояркиннің жарақатына қатысты пікір білдірді.
«Дәрігер келіп, ешқандай жыртылу жоқ екенін айтты. Шамасы, қатты ауырсыну салдарынан шок алған. Мен нақты айта алмаймын, ертең белгілі болады. Дәрігердің айтуынша, алаңдайтындай ештеңе жоқ. Ертең көрерміз», – деді бапкер.
Екінші кезеңнің басында Бояркин «Лада» шабуылшысы Андрей Алтыбармакянның соққысынан кейін шайбаға талас кезінде жарақат алды. Оған мұз үстінде медициналық көмек көрсетіліп, алаңнан зембілмен шығарылды. Қақпадағы орнын Юхан Маттссон алмастырған болатын.
