7 күн бұрын
«Барыс» хоккей клубының бас бапкері қанша табыс табады?
Азамат Бақи
Фото: «Барыс» ХК
Құрлықтық хоккей лигасындағы (ҚХЛ) бас бапкерлердің жалақысы белгілі болды.
Бұл туралы ресейлік «Спорт-Экспресс» порталы хабарлады.
Дереккөздің мәліметінше, «Барыс» хоккей клубының бас бапкері Ғалым Мамбеталиев 2024/2025 жылғы маусымда 10 миллион рубль (шамамен 59,4 миллион теңге) табыс табады. Бұл ҚХЛ-дегі ең төменгі жалақылардың бірі.
Аталған рейтингтің көшін мәскеулік ЦСКА клубының бас бапкері Илья Воробьёв бастап тұр. Оның жылдық жалақысы 90 миллион рубльді құрайды.
Айта кетейік, «Барыс» биылғы маусымда ҚХЛ Шығыс конференциясында 68 матчта небәрі 35 ұпай жинап, соңғы орынға тұрақтады.
