22 сағат бұрын
Шайбалы хоккейден әлем чемпионатына қатысатын Қазақстан әйелдер құрамасы анықталды

Фото: Қазақстан хоккей федерациясы
Шайбалы хоккейден әлем чемпионаты IIA дивизионында сынға түсетін Қазақстан әйелдер құрамасы белгілі болды.
Аталған бәсеке 2025 жылдың 9-15 сәуір аралығында Ұлыбританияның Дамфрис қаласында өткізіледі. Ұлттық құрама ертең, 3 сәуірде Ұлыбританияға аттанады. Ал 6 сәуірде сол елдің құрамасымен жолдастық кездесуде шеберлік байқасады.
Әлем чемпионатына қатысатын Қазақстан құрамасының тізімі жарияланды. оған барлығы 23 хоккейші - 3 қақпашы мен 20 ойыншы енгізілген.
Қақпашылар: Вероника Агеева, Полина Говтва (екеуі - «Торпедо»), Арина Щеколова («Томирис»)
Қорғаушылар: Юлия Буторина, Александра Воронова, Дария Молдабай, (барлығы - «Томирис»), Аида Олжабаева, Мәдина Тұрсынова, Анна Пяткова (барлығы - «Айсұлу»), Катрин Мескини, Полина Яковлева («Торпедо»)
Шабуылшылар: Малика Алдабергенова, Пернеш Әшімова, Алина Иванченко, Татьяна Королева, Лариса Свиридова (барлығы - «Айсұлу»), София Зубкова, Дильназ Саяхатқызы, Мунира Саяхатқызы (барлығы – «Торпедо»), Екатерина Куценко, Анастасия Оразбаева, Надежда Филимонова, Александра Шегай (барлығы - «Томирис»).
Ел құрамасы 9 сәуірде Оңтүстік Корея, 10 сәуірде Италия, 13 сәуірде Ұлыбританиямен шеберлік байқасады. Ал 13 сәуірде Латвия, 15 сәуірде Словениямен мұзайдынға шығады.
