5 сағат бұрын
Қазақстандық хоккейшінің ҚХЛ клубындағы жалақысы жарияланды
Азамат Бақи
Фото: Максим Шмаков/ҚХЛ
Жақында ғана ресейлік «Металлургпен» келісімшартын ұзартқан қазақстандық хоккейші Валерий Ореховтың жалақысы белгілі болды, деп хабарлайды Sport12.kz.
«Спорт-экспресс» порталының мәліметінше, отандасымыздың келесі маусымдағы жалақысы 37 миллион рубльді (187,4 млн теңге) құрайды. Ал 2026-27 маусымда оның жалақысы 40 миллион рубльге (249,8 млн теңге) дейін өседі.
Айта кетейік, Орехов «Металлург» намысын 2022 жылдан бері қорғап келеді. Осы аралықта 25 жастағы хоккейшіміз магнитогрскілік ұжым сапында жалпы саны 162 ойын өткізіп, 46 (14+32) ұпай жинады.
