Қазақстан хоккейден Ресейден оңбай жеңілді

Қазақстан хоккей құрамасы Астанада өтіп жатқан 1XBET Qazaqstan Hockey Open турнирінің алғашқы матчында Ресей 25 командасымен кездесіп, 1:4 есебімен жеңіліп қалды, деп хабарлайды Sport12.kz

Бас бапкер Олег Болякин келесі құрамды мұз айдынына шығарды: қақпада — Сергей Кудрявцев, қорғаушылар — Орехов-Метальников, шабуыл шебі — Михайлис-Шестаков-Колесников; Бекетаев-Данияр, Панюков-Лихотников-Асетов; Михайлов-Гайтамиров, Рымарев-Омірбеков-Савицкий; Бреус-Волков, Қайыржан-Мұхамедов-Мұратов.

Бірінші кезеңде қарсыластар тарапынан Данила Аймурзин мен Дмитрий Саморуков екі шайба салды. Екінші кезеңде Марат Хайруллин мен Михаил Воробьев есеп айырмасын арттырды. Соңғы кезеңде ғана Әлихан Әсетов бір шайбамен жауап қайтара алды. Есеп: 1:4.

Қазақстан құрамасы келесі ойынын 3 мамыр күні сағат 17:00-де Беларусь командасына қарсы өткізеді.