Cергей Кудрявцев: физикалық жағынан өте қиын болды

Қазақстан құрамасының қақпашысы АҚШ-қа қарсы 6:1 есебімен аяқталған матчтан кейін өз пікірін білдірді, деп хабарлайды Sport12.kz

— Жеңілуіміз орынды болды: қарсылас бізден әлдеқайда мықты, жылдам әрі ойынды толық бақылауда ұстады. Физикалық тұрғыдан жеткіліксіз болдық деп ойлаймын. Ойын алдында бапкерлеріміз бізге америкалықтардың көпшілікпен шабуыл жасау сәттерінен видеолар көрсетті. Сол себепті біз олардың ойыны туралы түсінік алдық. Бірінші кезеңде бапкерлердің нұсқауын орындадық. Бәріміз тырыстық, лақтырыстарды жауып отырдық. Бірақ екінші жиырма минуттықта бізге физикалық жағынан өте қиын болды.

Топ-дивизиондағы дебютіме келер болсам, таңертең біраз қобалжу болды. Бірақ ойынды сәтті бастадым. Элиталық деңгейдегі алғашқы матчқа ұзақ дайындалдым. Болашақта да осындай деңгейде ойнауға мүмкіндік аламын деп үміттенемін, – деді Қазақстан құрамасының қақпашысы.