4 сағат бұрын
«Бейбарыс» клубының хоккейшісі қайтыс болды
Азамат Бақи
Фото: «Бейбарыс» ХК
Қазақстандық «Бейбарыс» клубының хоккейшісі, ресейлік Олег Гофман 23 жасында көз жұмды, деп хабарлайды Sport12.kz.
Қаралы хабарды клубтың баспасөз қызметі мәлім етті.
– Қайғыра отырып, «Бейбарыс» хоккей клубының ойыншысы Олег Гофманның өмірден озғанын хабарлаймыз. Ол біздің жадымызда сенімді қорғаушы әрі абыройлы азамат ретінде мәңгілікке сақталып қалмақ. Марқұмның жақындары мен туған-туыстарына шын жүректен көңіл айтамыз,– делінген хабарламада.
Айта кетейік, Гофман осы маусымда атыраулық «Бейбарыс» сапында ойнады. Сондай-ақ, ол 2022-2023 жылдары қарағандылық «Сарыарқаның» намысын қорғаған.
